Protesta e sotme e opozitës mund të cilësohet si më e madhja që është zhvilluar në vend. Janë me qindra mijë qytetarë që kanë mbërritur sot në Tiranë. Ende pa shkuar drejtuesit e opozitës në sheshin kryesor të protestës, bulevardi Dëshmorët e Kombit është mbushur në çdo cep të tij, duke nisur nga sheshi “Nënë Tereza” dhe deri në sheshin “Skënderbej”.
Numri i shqiptarëve që kanë dalë në shesh kundër kryeministrit Edi Rama është më i madh se në çdo tubim tjetër që është zhvilluar.
Pjesëmarrja masive është mesazhi më i rëndësishëm që shqiptarët i japin sot qeverisë “Rama” dhe ndërkombëtarëve. Fakti që qytetarët janë shtuar në protestën e opozitës tregon se kauza për zgjedhjet dhe një qeveri tranzitore është e drejtë.
