Kryeministri grek Alexis Tsipras ka dhënë dorëheqje nga posti i kryeministrit, dhe ka bërë thirrje për zgjedhje të parakoshme, pas disfatës së tij në zgjedhjet europiane.

Tsipras tha nga zyrat e partisë SYRIZA se “rezultati nuk ishte në pritjet tona,  nuk do ta injoroj atë rezultat”, shkruan” ekathimerini”. Tsipras tha se do të vizitojë presidentin grek për të kërkuar shpërndarjen e parlamentit pas raundit të dytë të zgjedhjeve lokale dhe rajonale më 2 qershor.

Mandati i qeverisë skadon në tetor dhe zyrtarët qeveritarë këmbëngulën që zgjedhjet të mbaheshin në fund të mandatit, por Tsipras duket se është i bindur për zgjedhje të parakoshme.