Analisti Artan Hoxha, i ftuar në Ora News, është shprehur se, KQZ bëri vetëgjyqësi me refuzimin për të zbatuar dekretin e presidentit për shfuqizimin e datës 30 qershor për mbajtjen e zgjedhjeve lokale.
“Vetëgjyqësi bëri KQZ që injoroi një ligj të botuar në Fletoren Zyrtare, dekret presidencial, ishte policia, gjithë strukturat e administrimit zgjedhor nën KQZ që bënë vetëgjyqësi. Të injorosh një akt normativ të botuar në Fletoren Zyrtare do të thotë vetëgjyqësi. Nuk e dimë çfarë mund të vendosë pas ca muajsh Gjykata Kushtetuese. Por është si të nxjerrë një akt normativ Ministrja dhe t'ja injorojë një pushtet tjetër. Mund të ndodhë kjo?”, deklaroi Hoxha.
Nëse dekreti i presidentit të Republikës ishjte kushtetues, si u lejua botimi në Fletoren Zyrtare?
“ Ai është kushtetues deri në momentin që vendos Gjykata Kushtetuese e rrëzon apo jo”, u shpreh analisti Artan Hoxha.
