“Të gjithë pas hekurave”, gazetari: Rama, përgjegjës për Pjetrin

Tuesday, 13 August 2019 20:58

Kryeredaktori i Gazetës Shqiptare, Erl Murati, ka komentuar përplasjen më të fundit mes opozitës dhe mazhorancës, lidhur me akuzat ndaj kryebashkiakut të ri të Shkodrës, Valdrin Pjetri.

Në rubrikën “Opinion”, në News 24, Murati është shprehur se Rama ka përgjegjësi për figurën e Pjetrit, pasi sipas tij, ai duhet të kishte kaluar në disa filtra para se të kandidohej për kryebashkiak.

“Deri tani jemi në një goditje të opozitës. Duhet të flasin institucionet, nëse Pjetri ka fshehur dënimin. Sot patëm një “mea culpa” të Ramës, kemi një distancim formal të tij nga Pjetri. Por, kjo nuk e largon përgjegjësinë e Ramës nga emërimi i Pjetrit në Bashkinë e Shkodrës. Refuzoj të besoj që Rama nuk di asgjë për këtë dënim, ndaj ai ka përgjegjësi. Mazhoranca duhet të kishte bërë verifikim më parë, duhet të kishte filtruar të kaluarën e tij.

PS duhet të kishte sot një përgjigje të qartë, nëse Pjetri ka qenë apo jo i dënuar. Nëse ka qenë i dënuar, Rama duhet të shkarkojë këtë njeri dhe ta çojë për ndjekje penale. Në të kundërt ai duhet të dalë në konferencë për shtyp dhe të thotë që akuzat e opozitës nuk janë të vërteta. Do duhet që mazhoranca të marrë përgjegjësi dhe nuk mjafton distancimi përmes rrjeteve sociale i Ramës”, ka thënë ai.

Më tej, Erl Murati ka deklaruar se partitë politike janë banda dhe se shumë zyrtarë kanë rezultuar me të kaluar kriminale. Sipas tij, të gjithë politikanët e korruptuar duhet të arrestohen, ndërsa ka shtuar se nëse do të ndiqej rasti i Nikola Gruevskit, e gjithë klasa politike do të ishte prapa hekurave.

“Partitë politike janë banda. Shqetësuese është se kemi mjaft zyrtarë me të kaluar kriminale. Këtu kanë dalë edhe anëtarë të Gjykatës së Lartë të dënuar për vjedhje, përdhunim. Këtu është një dështim i shtetit. Në të kaluarën e afërt, mjaft zyrtarë janë larguar pasi kishin probleme dhe nuk janë dënuar. Ne jemi mjaftuar me largimin e tyre nga arena politike. Nëse do zbatohej Vettingu, shumë gjyqtarë e prokurorë duheshin dënuar.

Ne kemi tre zyrtarë që iu është refuzuar edhe viza amerikane dhe gëzojnë liri të plotë. Ata mund të bëjnë pushimet e tyre kudo. Një karton i kuq i ngrihet Ramës. Të gjithë politikanët e korruptuar duhet të jenë prapa hekurave, mund të dënohen me Kod Penal. Nëse do ndiqnim rastin e Gruevskit, e gjithë klasa jonë politike do të ishte pas hekurave”, është shprehur Murati.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Kapet drogë dhe armë në Tiranë, arrestohen dy persona

Kronikë

Kapet drogë dhe armë në Tiranë, arrestohen dy persona

Policia e Tiranës në vijim të operacioneve të njëpasnjëshme për goditjen e veprimtarisë kriminale në fushën e narkotikëve, gjatë natës ka zhvilluar një tjetër operacion antidrogë Gjatë operacionit, Policia ka sekuestruar...

Më shumë se 400 emigrantë arritën në ishujt grekë në 24 orët e fundit

Aktualitet

Më shumë se 400 emigrantë arritën në ishujt grekë në 24 orët e fundit

Rojet bregdetare greke kanë asistuar në shpëtimin e 225 refugjatëve në 5 incidente të ndryshme në ishujt në lindje të Egjeut përgjatë 24 orëve të fundit. Sipas selisë së Autoritetit Portual...

Lajm bombastik! Media spanjolle largon Ronaldon nga Juventusi, do të luaj në Angli

Sport

Lajm bombastik! Media spanjolle largon Ronaldon nga Juventusi, do të luaj në Angli

Cristiano Ronaldo është duke kaluar një nga moment më të errët në karrierën e tij. Luzitani po zhvillon një start sezoni për tu harruar me Juventusin. CR7 mund të largohet nga...

Sondazh

Nothing found!

Sondazh

Nothing found!