Presidenti i Republikës, Ilir Meta, ka pritur në një takim ambasadorin e Austrisë, z.Johann Sattler në përfundim të detyrës së tij në vendin tonë.

Në një mesazh në rrjetet sociale, kreu i shtetit shkruan se “Ishte kënaqësi e veçantë të falënderoja ambasadorin e Austrisë, z.Johann Sattler në përfundim të detyrës së tij, për angazhimin e palodhur për forcimin e gjithanshëm të marrëdhënieve të shkëlqyera midis dy vendeve tona”.

Në vijim mesazhi i plotë i Presidentit Meta

Ishte kënaqësi e veçantë të falënderoja ambasadorin e Austrisë, z.Johann Sattler në përfundim të detyrës së tij, për angazhimin e palodhur për forcimin e gjithanshëm të marrëdhënieve të shkëlqyera midis dy vendeve tona. Nuk mungoi dhe një falenderim i posaçëm për promovimin që ambasadori Sattler u bëri maleve të Shqipërisë, ndërsa aktivitetet kulturore ishin mbresëlënëse si asnjëherë më parë. 🇦🇱🤝