Trafikantët çojnë hashashin në Turqi dhe e shkëmbejnë me heroinë. Kjo shkruhet nga Kathimerini, e cila pasqyron operacionin e ndërmarr dje nga policia greke kundër trafikantëve të drogës.

Policia greke është në kërkim të skafit të dytë, ndërsa gomonia e kapur është kontrolluar edhe me qen anti-drogë.

Tre të arrestuarit janë shoqëruar në policinë e Mitilinit, ndërsa policia greke dyshon se në skafin e dytë, që ende po kërkohet ka drogë dhe në bordin e tij, ndodhen 3 persona.

 “Drejtoria kundër narkotikëve në policinë greke ka pasur informacion për dy gomone që do niseshin nga Shqipëria për të çuar hashash në Turqi ku do të merrnin heroinë.

Dyshohet se nga gomonia e kapur është hedhur heroinë në det gjatë ndjekjes pasi hashashin ka arritur ta shkarkojë në brigjet turke”, raportojnë mediat greke.