Meta: Pse nuk janë ulur në një tryezë Rama dhe Basha

E Enjte, 03 October 2019 21:29

Presidenti Ilir Meta thotë se i ka “luajtur të gjitha letrat”, përpara se të merrte vendimin për anulimin e datës së zgjedhjeve që palët politike të uleshin në një tryezë. Por sipas tij pengesa kryesore ka qenë Edi Rama dhe Lulzim Basha.

“Unë i kam thirrur partitë politike në mënyrë të vazhdueshme, pengesa kryesore për të zhvilluar një tryezë të përbashkët, është e qartë kush ka qenë pengesa. Ka qenë insistimi i Kryeministrit Rama për të mos ndryshuar datën 30 qershor, për të mos i dhënë një mundësi opozitës për të shtyrë datën. Dhe insistimi i zotit Basha për të mos u ulur në një tavolinë me zotin Rama si kryeministër”, tha Kreu i shtetit në një intervistë për emisionin Opinion.

Meta tha se nuk do ta lejonte kurrë që opozita të largohej nga parlamenti, por sipas tij Rama nxitoi për të bërë zëvendësimin e deputetëve të opozitës madje duke shkelur dhe ligjin.

“Unë kam bërë gjithçka që opozita të mos ikte, po ju e dini shumë mirë se kryeministri Rama nuk më ka dhënë mua asnjë mundësi që unë të luaja këtë rol. Ai ka nxituar, zëvendësimi i këtyre deputetëve është kryer në një mënyrë të paligjshme sipas legjislacionit tonë. Nëse ai do kishte dëshirë dhe nëse ai mendonte se unë kisha ndikim tek opozita ai të priste sa unë të kthehesha nga Gjermania”, tha Meta.

Duke theksuar se nuk ka asnjë ndikim tek LSI, parti të cilën ai e ka krijuar dhe tani e drejton bashkëshortja e tij, kreu i shtetit tha se Rama ka zgjedhur si strategji provokimin e konfliktit, vendosjen para faktit të kryer të opozitës dhe të gjithë institucioneve të tjera që garantojnë një demokraci.

“Pa dyshim që dhe opozita ka përgjegjësi. Ata kanë rënë viktimë e kësaj politike të faktit të kryer. Kanë lejuar uzurpimin e institucioneve të hapësirave demokratike”/ Opinion.al

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

FOTO/ Thaçi selfie me Ramën: Me Edin si çdoherë, pa protokoll...

Politikë

FOTO/ Thaçi selfie me Ramën: Me Edin si çdoherë, pa protokoll...

Gjatë vizitës së tij në Tiranë, presidenti i Kosovës Hashim Thaçi është takuar edhe me kryeministrin Edi Rama. Përmes një postimi në Facebook, kreu i shtetit në Prishtinë shkruan se takimi...

Gjykata e Apelit kthen në detyrë anëtarin e KPA-së, Luan Daci

Aktualitet

Gjykata e Apelit kthen në detyrë anëtarin e KPA-së, Luan Daci

Gjykata e Posaçme e Apelit kundër Korrupsionit dhe Krimit të Organizuar vendosi të ndryshojë vendimin e Gjykatës Kundër Korrupsionit dhe Krimit dhe ta rikthejë në detyrë anëtarin e KPA, Luan...

Pas drejtoreshës së Kufirit, arrestohet edhe motra e saj

Aktualitet

Pas drejtoreshës së Kufirit, arrestohet edhe motra e saj

Vazhdojnë arrestimet për grupin e përfshirë në trafikun e emigrantëve nga vendet e Lindjes në Shqipëri, për të vijuar në shtetet e Bashkimit Europian Në kuadër të operacionit “Toka e premtuar”...

Sondazh

Nothing found!

Sondazh

Nothing found!