Banorë të “Unazës së Re” në kryeqytet po protestojnë para Drejtorisë së Policisë së Tiranës, kundër shoqërimeve që ka bërë policia gjatë mëngjesit ndaj banorëve të “Unazës”. Ata kërkojnë lirimin e të shoqëruarve dhe akuzojnë policinë se po përdoret politikisht.

Gjatë protestës ka pasur tensione.  Ish-deputetë të opozitës ishin në mbështetje të banorëve të “Unazës”.

Në një prononcim për mediat, ish-deputeti i Partisë Demokratike, Klevis Balliu, është shprehur se arrestimi i 3 banorëve ishte një provokim. "Rama është shkaktari”, tha Balliu, teksa nënvizoi se, “pasojat janë përgjegjësi e Ramës”.