Tërmeti që goditi një pjesë të Shqipërisë së Mesme krahas dëmeve në ndërtesa banimi, duket se ka lënë pasoja edhe në ndërtesa të shërbimit civil. Kështu mësohet se dëme të konsiderueshme kanë pësuar edhe Gjykatat ku dëme më të mëdha janë hasur në katin e katërt të Dhomës Civile në Tiranë si edhe në Gjykatën e Durrësit. Për këtë arsye me një vendim të posaçëm, Këshilli i Lartë Gjyqësor ka vendosur pezullimin e gjyqeve për një afat të pacaktuar në gjykatat e Tiranës, Durrësit dhe Lezhës.

Ky status do të mbetet i tillë deri në verfikimin e dëmeve në terren.

Ndërkohë që mësohet se një grup ekspertësh po kryejnë kontrolle nëpër gjykata.

Të vetmet seanca gjyqësore që do të zhvillohen në vazhdim do të jenë vetëm ato për masat e sigurisë të cilat lidhen me afate kohore.