Prokuroria mbylli hetimet për tenderin tek Unaza e Re, Braimllari: Akuza qesharake, duhet të ishte subjekt i parë hetimi nga SPAK

E Enjte, 23 Janar 2020 11:05

Sekretari i Përgjithshëm i LSI, Endrit Braimllari pasi Prokuroria mbylli hetimet dhe çoi si të pandehur vetëm Avdjol Dobin për akuzën e falsifikimit të dokumenteve ka thënë se kjo çështje duhet të ishte subjekt i parë hetimi nga SPAK.

Braimllari thotë se Prokuroria në mënyrë qesharake akuzon vetëm një recepsionist kur nën hetim duhet të ishin marrë Edi Rama, Damian Gjiknuri dhe Afrim Qendro.

Prokuroria e Tiranës mbylli në prag të festave të fundvitit hetimet për kompaninë fantazmë që fitoi tenderin e Unazës së Re dhe dërgoi në gjyq si të pandehur të vetëm Avdjol Dobin me akuzën e “falsifikimit të dokumenteve”.

Deklarata e Sekretarit të Përgjithshëm të LSI, Endrit Braimllari

Të gjithë shqiptarët për më shumë se një vit, kanë qenë dëshmitar të ngjarjes më të madhe korruptive të ndodhur në kurriz të qytetarëve të ndershëm dhe të pafajshëm të Unazës së Re.

Edi Rama për më shumë se një vit i dhunoi, i arrestoi, hodhi gaz lotsjellës kundër fëmijëve 5 vjeçarë, të moshuarve dhe përdori çdo mekanizëm shtetëror në funksion të interesit të tij personal.

Për më shumë se një vit, kjo çështje ka qenë nën hetim nga prokuroria.

Qytetarët prisnin të shkonin përpara drejtësisë përfaqësuesit shtetërorë të cilët implementuan një projekt me dokumente të falsifikuara ku kërkonin të gllabëronin 40 milionë euro.

Prokuroria vendosi të çojë për gjykim me një akuzë qeshkarake vetëm një recepsionist.

Kjo çështje duhet të ishte subjekti i parë i hetimit nga SPAK, me qëllim që jo vetëm të krijohej besimi te qytetarët por të shkonin përpara drejtësisë zyrtarët e korruptuar. Edi Rama, Damian Gjiknuri, Afrim Qendro dhe të gjithë të tjerët të përfshirë në këtë aferë.

Është e qartë që ‘Ramaforma’, burgos qytetarët e thjeshtë, të pafajshëm, të ndershëm dhe mbron të korruptuarit, kriminelët me urdhër qeveritar.

Prokuroria duhet të kishte marrë nën hetim Edi Ramën, Damian Gjiknurin, Afrim Qendron dhe të gjithë zyrtarët e tjerë të lartë të përfshirë në këtë aferë korruptive.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Koronavirus zbraz stadiumet, Juve-Inter pa tifozë: “Me shumë mundësi Serie A me dyer të mbyllura”

Sport

Koronavirus zbraz stadiumet, Juve-Inter pa tifozë: “Me shumë mundësi Serie A me dyer të mbyllura”

Emergjenca Koronavirus është një temë e nxehtë edhe përsa i përket futbollit në Itali. Masat e marra për tu kujdesur për shëndetin e atletëve e tifozëve janë ngjitur në rendin...

Në kërkim të shpresës së humbur...

Politikë

Në kërkim të shpresës së humbur...

Mbi filmin “Shpresa e e humbur”, realizuar nga “The Albanian” dhe shoqata “Shpresa Programme”, Londër Nga Flori Slatina Problemet sociale nuk janë vetëm shqetësim i organeve shtetërore, apo shoqërisë dhe shoqatave jo...

Mafia e mbetjeve/ Si u sekuestruan 18 mijë kg pajisje të rrezikshme në portin italian që po vinin në Shqipëri

Politikë

Mafia e mbetjeve/ Si u sekuestruan 18 mijë kg pajisje të rrezikshme në portin italian që po vinin në Shqipëri

Agjencia e Doganave në Ankona në bashkëpunim me Karabinierët, kanë kryer kontrolle të vazhdueshme në kuadër të parandalimit të aktiviteteve të parandalimit të krimit mjedisor, pas të dhënave për eksportin...

Sondazh

Nothing found!

Sondazh

Nothing found!