Të rinjtë po largohen masivisht nga vendi, sidomos të diplomuarit në mjekësi.
Ky është alarmi i rradhës që ngre kryetari i FRPD, Belind Këlliçi.
Përmes një postimi në Facebook, teksa publikon shifrat e UNDP për shpenzimet e studentëve, Këlliçi shprehet se, të rinjtë nuk kanë siguri për një vend pune, për të ndërtuar familje dhe për më tepër nuk kanë më shpresë.
"Rinia shqiptare është duke u larguar me hapa të mëdhenj, sidomos të diplomuarit në degët mjekësore. Pavarësisht kostot e edukimit të tyre si nga shteti dhe familja kanë një kosto shumë të lartë, ata duan të largohen sepse në Shqipëri nuk kanë asnjë lloj sigurie. Nuk kanë siguri për një vend pune, nuk kanë siguri për të ndërtuar familje, nuk kanë më SHPRESË për një jetë në Shqipëri. Ndryshimi i shumëpritur duhet dhe do të vijë shumë shpejt!", shkruan Këlliçi në postimin e tij.
