Ish-kryeministri Sali Berisha denoncoi qasjen e qeverisë shqiptare ndaj situatës së krijuar në Itali për shkak të koronavirusit. Berisha shkruan se duke mos kufizuar lëvizjet me zonat e prekura nga sëmundja në Itali, Rama po i hap dyert koronavirusit.

MESAZHI I BERISHES

Edvin Hajduti dhe ndrikulla Hajnia me qëndrimet e tyre po bëjnë çmos të fusin koronavirusin në Shqipëri!

Miq, Italia ka në një zonë të kufizuar të saj të përhapur infeksionin e koronavirusit. Qeveria italiane shpalli dje masa rigoroze, ndër të cilat kufizimin edhe të detyruar të lëvizjes, daljes së qytetarëve të vet nga zonat e infektuara për të shmangur përhapjen e koronavirusit në zona të tjera të Italisë.  Madje kryeministri Conte nuk u mjaftua me thirrjen drejtuar qytetarëve të këtyre zonave, por autorizoi policinë dhe u shpreh se në rast nevoje, mund të përdorë edhe ushtrinë për zbatimin e këtij rregulli.

Kurse Edvin Fatkeqësia dhe ndrikull Hajnia, në vend që të ndjekin praktiken e qëndrimit të shpallur nga qeveria italiane për banorët e këtyre zonave dhe t’ju bëjnë thirrje atyre, shqiptarë apo italianë qofshin ata, që të mos vijnë dhe të mos lejojë që ata të hyjnë në Shqipëri, deklarojnë pa asnjë pikë përgjegjësie se nuk do kufizojmë lëvizjet me Italinë.

Sigurisht lëvizjet me Italinë në tërësi nuk duhen ndërprerë, por të mos kufizosh lëvizjet me zonën e infektuar të Italisë, siç bëri dje qeveria italiane, do të thotë se për qëllime politike kriminale je i interesuar të sjellësh sa më parë koronavirusin në Shqipëri.

Dënoj me ashpërsinë më të madhe këtë qëllim kriminal të Edvin Hajdutit dhe ndrikull Hajnisë, të cilët refuzojnë me ndërgjegje të kufizojnë dhe mos lejojnë hyrjen në Shqipëri të banorëve nga zonat e infektuara.