Ministri i Brendshëm, Sandër Lleshaj lajmëroi shkarkimin nga detyra të prefektit të Shkodrës, Çesk Millja për shkak të situatës së krijuar nga pandemia e koronavirusit në këtë qark.
Përmes një deklarate për shtyp, ministri Lleshaj njoftoi se zv/ministri Besfort Lamallari do të emërohet koordinator në qarkun e Shkodrës, i cili do të bashkëpunojë me autoritetet lokale për përballimin e situatës nga Covid-19
Burimet thonë se Milljes i ishte kërkaur që të mbyllte tregun në Shkodër, por ai ka refuzuar duke thënë se kjo nuk është një kompetencë e tij.
Po ashtu atij i ishte kërkuar që të gjente vend për karantimin e shqiptarëve që vijnë në atdhe. Por kjo është një punë e vështirë pasi shumë hotele e refuzojnë karantimin e tyre. Nga ana tjetër, situata me shqiptarët në pikat kufitare është dramatike