Kurba e koronavirusit në Shqipëri nuk rresht së befasuari. Pas disa ditësh me raste të pakëta në vend, sot ato janë dyfishuar.

Nuk është ky lajmi, por fakti se janë shtuar të paktën gjashtë vatra të reja, të cilat nuk dihet nga e kanë origjinën.

Mes tyre, një vatër në Kamzë. Ky qytet futet kështu në hartën e përgjithshme, edhe pse prej shumë ditësh ka pasur raportime dhe dyshime se virusi ka mbërritur aty.

Por përse duhet një kërcim i tillë i rasteve në këtë moment për ta bërë kurbën akoma më qesharake?

Arsyeja mund të lexohet në disa portale, që thonë se kërcimi i rasteve ka lidhje me nisjen e lehtësimit nga kjo e hënë.

Në fakt, nisur nga koha e inkubimit, nuk mund të presësh që rastet të shpërthejnë kaq shpejt. Megjithatë qeverisë i duhet një kërcim tani për të vazhduar kontrollin e tyre mbi shqiptarët, duke kërcënuar se mund të imponojë rikthim të izolimit.

Ekonomia shqiptare është ndër më të goditurat në botë si shkak i virusit, ndërsa familjet po vuajnë kohëra të vështira.

Një rikthim në kushtet e izolimit do të ishte goditje fatale për vendin. @syri.net