Nga Tritan Shehu

Sipas studimit të fundit të Bankës Botërore, Shqiperia edhe gjatë epidemisë Covid 19 është treguar e fundit në Rajon për problemet e mëdha të sistemit tonë shëndetësor.

Vendi i ynë ku akoma nuk është harruar slogani “shëndetësi falas” renditet në bisht për financimin e shpenzimet për frymë popullësie për shendetësinë duke qenë në shifrat 307 $, mbi dy herë nën mesataren e rajonit dhe mbi 10 herë nën atë të vendeve të BE.

Pagesat direkte nga xhepi i pacientëve vazhdojnë të jenë reth 50% të shpenzimeve, më të lartat këto në rajon e rreth 4 herë më të larta se ato në vendet e BE, tregues ky thellësisht anti social dhe e kundërta e spekullimit “Shëndetesi falas”.

Shqipëria ka indeksin e Sigurisë Shëndetësore Globale me të ultin në rajon.

Shqipëria, që më 2013 kishte 1,28 mjekë per 1000 banorë, sot është ulur në nën 1, shifra këto katastrofale 2-3 herë nën vendet e Rajonit e 3-4 herë nën mesataren europiane.

Gjithashtu Shqipëria ka numrin e shtretërve spitalore disa herë më të ulët se kontinenti, rreth 2,1 për 1000 banorë.

Dhe kjo listë mund të vazhdojë gjatë me numrin e specialiteteve, specialistëve, teknologjise në dispozicion, nivelit teknik, gjendjes së shërbimeve të Reanimacionit e urgjencës, etj etj

Të gjitha këto të dhëna të cilat në shumicë po vijne duke u përkeqësuar çdo vit, bëjnë që vendi i ynë të renditet në fund të rajonit e kontinentit edhe për kapacitet e sistemit shëndetesor si dhe për kujdesin ndaj pacientit, me tendencë rritjen e diferencës me vendet e tjera.

Pra jo vetëm që jemi keq, të fundit, por dhe pa asnjë perspektivë afrimi me këto vende duke u thelluar kjo diferencë negative.