“Paga e luftës dhe çdo e drejtë tjetër me këtë qeveri dhe me Ramën kryeministër, merret me luftë" tha një nga zonjat në protestë.

Nga Luan Baçi.
Gënjeshtrat dhe mashtrimet e Rilindjes së Ramës po shtojnë çdo ditë dhe më shumë, pakënaqësinë e familjeve shqiptare.

Janë shumë punonjës të kompanive të ndryshme që nuk kanë marrë pagën e ashtuquajtur të "luftës", që vazhdojnë t’i gënjejnë dhe madje t’i përbuzin.

Kjo fasoneri këpucësh në Fier, me mbi 110 zonja të nderuara që mbajnë frymën gjallë me atë pagë minimale që marrin, nuk janë paguar për atë që kryeministri hajdut dhe arrogant iu premtoi.

Protestuan paqesisht, denjësisht para Drejtorisë së Tatimeve, institucionit që merret me këtë punë, por askush nuk ju jep përgjigje, askush nuk i sqaron.

Ky institucion në Fier drejtohet prej shumë vitesh nga një hajdut që vjen që nga nga Elbasani, nuk vjen çdo ditë, por më shumë në ditët që merr "haraçin" nga "argatët" e punësuar në këtë drejtori.

Ky hajdut nuk ka kohë të merret me qytetarët, subjektet dhe hallet që ata kanë, ky "është për tjetër punë këtu, ky është i dërguar i posaçëm i Ramës" thotë dhe askush nuk mund të merret me të, ky është Zoti vet - në Fier.

A thua nuk ka në Fier, qytetarë që mund të drejtojnë institucionet?!