Jamarbër Malltezi, anëtar i Kryesisë së PD-së, e ka sfiduar Ministrin e Brendshëm Sandër Lleshajn në misionin e fundit që ai ka marrë përsëripër: spastrimin e vijës bregdetare nga ndërtimet e paligjshme.
Malltezi i ka bërë thirrje, Lleshajt, që para se të merret me çadrat e të bëhet gazi i botës, le ta fillojë punën me shembjen e pontilit që është ndërtuar në mes të detit në Durrës dhe është dëshmi e rëndë para syve të të gjithëve.
“Si mund të gënjejë kaq pacipësisht?! – ngre pikëpyetje Malltezi. - Thotë nuk do të lejohet asnjë ndërtim pa leje, biles asnjë çadër, në një kohë kur ka 2 muaj që ka ndërtim të paligjshëm, pontil, mu brenda detit, ndërtuar nga oligarku Fusha.
Ka 2 muaj që kam depozituar padinë në Policinë e Manzës për ndërtimin e paligjshëm dhe ka 2 muaj që Policia që do i çmenduri-hajdut, ka ikur në drejtim të paditur dhe nuk ka përgjigje!!!
Filloje me këtë pontilin pa leje dhe me dëm të çmendur për biotën dhe erozionin bregdetar, pastaj bëhu gazi i botës me lejet për çadrat e pastaj na thuaj “Hajde Liam tek Mihali”! E bën dot?!"