Caka: Efekti domino i korrupsionit të Rilindjes, mijëra qytetarë pa punë

Hënë, 10 August 2020 10:48

 

Ish-deputetja e LSI-së, Silva Caka, ka komentuar një raport nga Zëri i Amerikës, i cili analizon tre krizat me të cilat po përballet vendi. Sipas saj, korrupsioni i qeveria ”Rama” që nga viti 2013 është në kulmin më të lartë që ka parë Shqipëria. Thirrja e saj është largimi i qeverisë nga drejtimi i Shqipërisë.

”Deficenca në sistemin shëndetësor, bëri që vendi ynë të mbyllej totalisht për 3 muaj e në disa aspekte të biznesit, mbyllja ende vazhdon. Efektet e një shëndetësie që lëngon, u ndjenë nga bizneset dhe ekonomitë e vogla familjare; biznese të tëra falimentuan dhe ato që mbijetuan, po hasin çdo ditë keqmenaxhimin e mbledhjes së taksave, konkurrencën e pandershme dhe më pak klientë çdo ditë. Mijëra qytetarë humbën vendin e tyre të punës, aftësia blerëse e tyre ra ndjeshëm dhe si shpresë të vetme shohin largimin nga Shqipëria”.

 

Postimi i plotë

Efekti domino i korrupsionit të Rilindjes.

Korrupsioni në qeverisjen Rama që nga 2013 është në kulmin më të lartë ndonjëherë në historinë e Shqipërisë. Treguesit dhe shifrat që vijnë nga raporte të ndryshme (DASH, BE, BB, FMN, etj.), tregojnë kalbjen në themel të funksionalitetit të shtetit. E ky korrupsion duket se nuk do të ndalet deri në largimin e tij e sektit të Rilindjes nga drejtimi i Shqipërisë. Megjithatë, korrupsioni në sistemin shëndetësor, është galopant dhe ç’është më e keqja, nuk ngeli i izoluar vetëm në këtë fushë.

Pandemia botërore e Covid-19, mënyra e menaxhimit të kësaj situate në vendin tonë, nxorën zbuluar qeverisjen e kalbur dhe të korruptuar të Ramës. Një sistem shëndetësor që çalon, me drejtues të paaftë e të korruptuar, me mungesën e madhe të profesionistëve, të cilët po largohen nga vendi çdo ditë e më shumë, me fonde të vjedhura dhe të shpërdoruara, me investime në PPP-ra që nuk i hyjnë në punë as dreqit, bënë që kjo situatë të menaxhohej në mënyrën më të keqe të mundshme.

Deficenca në sistemin shëndetësor, bëri që vendi ynë të mbyllej totalisht për 3 muaj e në disa aspekte të biznesit, mbyllja ende vazhdon. Efektet e një shëndetësie që lëngon, u ndjenë nga bizneset dhe ekonomitë e vogla familjare; biznese të tëra falimentuan dhe ato që mbijetuan, po hasin çdo ditë keqmenaxhimin e mbledhjes së taksave, konkurrencën e pandershme dhe më pak klientë çdo ditë.

Mijëra qytetarë humbën vendin e tyre të punës, aftësia blerëse e tyre ra ndjeshëm dhe si shpresë të vetme shohin largimin nga Shqipëria. Shqipëria u rendit ndër vendet që pati rënien më të madhe në ekonomi në pandemi dhe kjo si pasojë e korrupsionit dhe favorizimit të oligarkëve.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Del përgjigjja e tamponit/Kryetarja e bashkisë së Shkodrës, Voltana Ademi konfirmohet pozitive me Covid 19

Politikë

Del përgjigjja e tamponit/Kryetarja e bashkisë së Shkodrës, Voltana Ademi konfirmohet pozitive me Covid 19

Kryetarja e bashkisë Shkodër, Voltana Ademi ka rezultuar pozitive me COVID-19. Kryebashkiakja e Shkodrës një ditë më parë pas dyshimeve ka bërë tamponin pranë strukturave të shëndetësisë ndërsa në përgjigjen...

Ulet numri i rasteve të reja me COVID-19 në Itali, 17 të vdekur në 24 orët e fundit

Globi

Ulet numri i rasteve të reja me COVID-19 në Itali, 17 të vdekur në 24 orët e fundit

  Bien shifrat e COVID-19 në Itali. Testimet ditën e sotme kanë qenë 55.800, ndërkohë që gjatë javës u arritën edhe 100 mijë testime.Në 24 orët e fundit në shtetin fqinjë...

Protestat në Bjellorusi/Ja imazhet e fiksuara nga fotografi i arrestuar nga regjimi bjellorus

Globi

Protestat në Bjellorusi/Ja imazhet e fiksuara nga fotografi i arrestuar nga regjimi bjellorus

  Një gjykatë në Minsk, më 16 shtator, dënoi fotoreporterin e Shërbimit bjellorus të Radios Evropa e Lirë Uladz Hrydzin dhe fotografin e pavarur Alyaksandr Vasyukovich me 11 ditë burg, për...