Partia Agrare Ambientaliste i kërkon Edi Rama kryetarit të radhës të OSBE-së, të angazhohet me përgjegjshmëri maksimale për zgjidhjen e krizës së rëndë politike në Shqipëri.
Në një deklaratë për mediat PPA shprehet se kryeministri Edi Rama duket të kishte thirrur pa humbur kohë nisjen e punës së Këshillit Politik për mbylljen e reformës zgjedhore.
“Z. Rama duhet të kërkojë fillimin që “dje” të punës së Këshillit Politik për zgjidhjen gjithë-përfshirëse për implementimin në ndryshimet e legjislacionit për zgjedhjet në Shqipëri, të marrëveshjes së 5 Qershorit 2020. Z. Rama duhet të garantojë liritë politike të opozitë dhe liritë demokratike dhe ekonomike të shqiptarëve, të dëmtuara dhe të kërcënuara në Shqipëri nga modeli i tij autokratik, nga korrupsioni epidemik dhe nga kapja e shtetit”,– thuhet në deklaratën e PAA që drejtohet nga Agron Duka.
Në deklaratën e PAA kërkohet mbledhja urgjente e Kuvendit për të vijuar me axhendën e negociatave në BE. “Z. Rama duhet të kërkojë thirrjen urgjente të Kuvendit pa u shqetësuar për ndërprerjen e pushimeve të tij dhe deputetëve të Kuvendit dhe të miratojë mundësisht brenda javës tjetër, legjislacionin që i hap rrugën zgjedhjeve të lira, të ndershme dhe me konkurrentë alternativë. Z. Rama duhet të vërtetojë ndarjen përfundimtare nga vjedhja e votave dhe djemtë elektoralë problematik. Eleminimi i çdo vonese për çeljen e negociatave është prioritet kombëtar i shqiptarëve. Inspirimi europian është në zemër të protestuesve në Bjellorusi dhe në çdo vend që qeveriset nga lider autotarian. PAA vlerëson se vetëm i inspiruar nga standardet e demokracive funksionale jo ai nga model autotarian të preferuara publikisht prej tij”,– thuhet në deklaratën e PAA.