Kreu i Partisë Demokratike Lulzim Basha i ftuar në ‘Tempora”, emission i drejtuar nga moderatorja Sonila Meço, foli për planet e partisë së tij pas ardhjes në pushtet pas zgjedhjeve të 25 prillit. Ashtu si edhe më herët, Basha ka ripërsëritur se pas ardhjes në pushtet gjëja e parë që do të bëjë është, lufta ndaj oligarkëve.

Basha foli edhe për kapjen e shtetit në Shqipëri, sipas të cilit është në shifra alarmante dhe mban vendin e parë në rajon.

Foli edhe për shpifjet e qeverisë dhe të Erjon Veliajt, për të cilin tha se është në gjyq. Basha deklaroi në emision se shumë prej problemeve kanë nisur më parë.

“Ata që thonë që të ikin të gjithë se të gjithë janë njësoj, flasin si Edi Rama. Problem pa zgjidhje nuk ka. Kemi ardhur tek niveli i kapjes së shtetit dhe tek mungesa e investimeve, tek inceneratorët që nuk ekzistojnë. Kjo sepse kemi një qeveri të kapur dhe platforma ime e thotë këtë. Kemi një platformë të plotë që do ta bëjmë realitet qoftë edhe përmes referendumit të qytetarëve, ose me parlament. Rama erdhi në pushtet me premtime që nuk i mbajti, përkundrazi vendi ka bërë hapa prapa. Janë qindra të tjerë që dergjen në spitale, viktima e katërt u përmend sot. Jeni në një krizë.”, tha Basha