Eksperti i shëndetësisë në PD, Gazment Koduzi i është përgjigjur shefes së Infektivit Najada Çomo në lidhje me medikamentin antiviralin Remdesivir, pasi kjo e fundit tha se e siguronte vet spitali.

Përmes një reagimi në “Facebook”, Koduzi theksoi se është për të ardhur keq që Çomo keqpërdoret nga qeveria për të mbuluar të vërtetën. Demokrati tha se shumë qytetarë e kanë paguar vetë antiviralin Remdesivir, sepse në spitale nuk gjendet.

REAGIMI I PD-SË
Është për të ardhur keq që shefja e infektivit, Dr.Najada Çomo, keqpërdoret nga qeveria për të mbuluar të vërtetën. E vërteta është ajo që tha kreu i opozitës sot Lulzim Basha. Shumë qytetarë e kanë paguar vetë antiviralin Remdesivir, sepse në spitale nuk gjendet.
Vetë mjekët e COVID 1 dëshmojnë se njerëzit e blejnë vetë antiviralin, që duhet të ishte falas në spital. Në foto dëshmia e mjekut të infektiviti, Dr.Renato Osmënaj.