David Hooper, akovat i ish-presidentit të Kosovës, Hashim Thaçi, e ka pyetur Prokurorinë e Specializuar dhe gjykatësin e Procedurës Paraprake se ku janë pretendimet për trafikimin e organeve, mbi të cilat u themelua Gjykata Speciale.

‘Ku janë pretendimet për trafikimin e organeve, sepse këto ishin shumë të rëndësishme për lindjen e kësaj gjykate’, ka pyetur Hooper.

Por për këtë gjykatë këto akuza nuk qëndrojë, e qëndrojnë vetëm në kokën e Edi Ramës në Tiranë dhe Aleksandër Vuçiç. Vetëm Edi Rama ka disa ditë që lëshon akuza për Shtëpinë e Verdhë dhe trafik organesh, duke çuar ujë në mullirin serb të Vuçiçit.

E përditë Edi Rama kujton raportin e Dick Martyt, raport i cili nuk është fare në dosjet e gjykatës së Hagës ndaj kupolës drejtuese të UÇK-së.

Të enjten e javës së kaluar, ish-presidenti Hashim Thaçi, bashkë me ish-kryetarin e PDK-së, Kadri Veselin dhe shefin e Grupit Parlamentar të LVV-së, Rexhep Selimin u nisën me një avion për në Dhomat e Specializuara në Hagë.

Një ditë përpara, ish-kryeparlamentari Jakup Krasniqi ishte arrestuar dhe ishte dërguar për në paraburgimin e Dhomave të Specializuara.

Arrestimet erdhën pasi një gjyqtar i procedurës paraprake i Gjykatës Speciale, ka konfirmuar aktakuzat ndaj katër ish-krerëve të UÇK-së.

Ata akuzohen për krime lufte dhe krime kundër njerëzimit.

Aktakuza i bën përgjegjës Thaçin, Veselin, Krasniqin e Selimin për një sërë krimesh që pretendohet se janë kryer në disa qendra ndalimi gjatë viteve 1998-1999.

Prokuroria e Specializuar i akuzon krerët e UÇK-së se kanë qenë ose duhej të ishin në dijeni të këtyre krimeve.