Besart Kadia u emërua sot në postin e zv.ministrit të Financave dhe Ekonomisë.

Ish-koordinatori i Partisë Demokratike, që e kishim parë shpesh të artikulonte publikisht kritika dhe akuza të ashpra kundër qeverisë “Rama”, sot e tutje është pjesë e kabinetit të tij.

Por një detaj nuk është thënë sot.

Kadia është shkarkuar nga funksioni i anëtarit të Këshillit Kombëtar të PDSH, që më datë 5 nëntor 2019, për shkak se ishte nismëtar i krijimit të lëvizjes politike “Alternativa”, e financuar sipas informacioneve të verifikuara nga burime të dyshimta financiare të klientëve preferencial të Qeverisë.

Që nga ajo datë Kadia nuk ka asnjë funksion në PD dhe nuk mund të ketë as në të ardhmen. Atij i është hequr e drejta për të zgjedhur dhe për t’u zgjedhur në strukturat e Partisë Demokratike, për shkelje të parimeve bazë të funksionimit të PDSH, të sanksionuar në nenin 9 të Statutit të PDSH-së./Faktor