Kryedemokrati Lulzim Basha vjon replikën me kryeministrin Rama sa i përket situatës Covid në vend. Basha e cilëson Ramën një dështim të madh, ndërsa shton se asaj që e quan kolaps në shëndetësi, do t’i vijë fundi sapo Basha të marrë qeverisjen.

STATUSI I PLOTË

Rama je një dështim i madh. Sa shqiptarë duhet të vdesin që të ndalësh sulmet politike dhe përpjekjet për të na mbyllur gojën? Po të më kishe dëgjuar që para 6 muajsh, do t’ju kishe dhënë ndihmë financiare familjeve shqiptare dhe sot do të kishe një plan real kundër pandemisë.

Askush nuk e përtyp propagandën tënde fallso. Shëndetësia është në kolaps, të sëmurët nuk kanë pará për të blerë barnat e shtrenjtuara dhe ekonomia është në krizë. Ne do ta shërojmë Shqipërinë, do ti korrigjojmë dështimet e tua dhe do të sjellim shpresë të re për njerëzit