I gjendur nën akuza të vazhdueshme për betonizimin e kryeqytetit, kryebashkiaku Erion Veliaj na ka dhënë mundësinë për herë të parë të shohim Tiranën ashtu siç e kemi ëndërruar të gjithë, pa kulla dhe me parqe.
Por mos u entuziazmoni shumë. Gjithçka është produkt i videove propagandistike që ai tashmë i ka bërë zakon ti nxjerrë në shitje çdo ditë.
Në promon e publikuar së fundmi ku fliste për punët e Bashkisë, në pamjet e kuruara mirë si për çudi ishin zhdukur kullat që i kanë zënë frymën qendrës së Tiranës.
Por nëse kullat nuk janë ekspozuar në videon e Veliajt, të gjithë jemi dëshmitarë se ato gjenden aty dhe shtojnë nga një kat përditë.
Që të mos lodheni deri në qendër, gazetari i Ora News, Ronaldo Sharka, u sjell realitetin në video të cilin qytetarët e Tiranës e prekin dhe shohin çdo ditë.
Por ndërsa fliste për punët e bëra, Veliaj harroi periferinë e kryeqytetit ku rrugët kanë mbetur rrugëve për kushedi sesa.
E pra Lali Eri, me këtë ritëm pune që e ke nisur edhe për pak kohë nuk do ta njohim më Tiranën…