Një ngjarje e rëndë ka ndodhur mesnatën e së hënës në Tiranë, në zonën e Laprakës ku një 25 vjeçar është qëlluar për vdekje nga një polic. Sipas njoftimit të uniformave blu i riu nuk i është bindur urdhrit për të ndaluar madje është larguar me vrap duke i drejtuar punonjësit të policisë një send të fortë në dukje armë zjarri. Viktima është Klodjan Rasha i cili është qëlluar për vdekje në rrugën “Dritan Hoxha”
Vrasja e një qytetari për shkak të mosndalimit, duke mos kryer asnjë krim, është një akt i shëmtuar i kryer nën frymën e represionit të madh që kjo qeveri ka ndermarrë ndaj qytetarëve.Kemi të bëjmë me një polici arrogante, e cila nuk është në luftë me qytetarët e saj pavarësisht direktivave politike.
“Parimisht pse duhet ta ndalosh një qytetar në rrugë? Ne po shohim një shtet arrogant dhe inkompetent ,i cili po shkarkohet edhe te qytetarët, edhe te policia. Një polici shumë arrogante.Policia nuk është për të luftuar me qytetarët e vet, pavarësisht nga direktivat politike, pavarësisht nga insinuatat që jep ministri apo drejtori i përgjithshëm.
Në këtë pandemie, në këtë trsyni që kanë njerëzit, në këtë efekt psikologjik që jep pandemia, ti vesh qytetarit edhe policinë e shtetit mbi shpinë me 700-800 gjoba në ditë. Imagjino në çfarë roli eshte sot Policia e Shtetit”,