Qytetarët e Shkodrës kanë dalë sonte në protestë për të dënuar vrasjen e 25-vjeçarit, Klodian Rasha nga Policia e Shtetit. Ata kanë dalë në rrugët kryesore të qytetit, pas orës 22:00, duke thyer dhe urdhrin e policisë. Protestuesit kërkojnë drejtësi për vrasjen e të riut në Tiranë, i cili u godit nga policia sepse kishte dalë nga banesa jashtë orarit për pandeminë.

Vrasja e të riut ka shkaktuar indinjatë të qytetarëve në të gjithë vendin. Ditën e nesërme, në Tiranë është paralajmëruar protestë masive para Ministrisë së Brendshme. Qytetarët kanë ndezur qirinj për të përkujtuar jetën e re që u pre në mes nga plumbat e policisë, si dhe u kanë bërë thirrje institucioneve të drejtësisë të zbardhin sa më parë ngjarjen e rëndë.

Reagimi dhe irritimi i qytetarëve është më i madh dhe për deklaratat e bëra nga Policia e Tiranës, e cila fajësonte të riun që u vra dhe jo efektivin e policisë që hapi zjarr kundër tij.