Ish-Kryeministri Sali Berisha e ka dënuar me forcë, vrasjen e të riut Klodian Rasha nga Policia, duke e cilësuar si "ekzekutim shtetëror pas shpine" dhe ka akuzuar Kryeministrin, "Edvin Kristaq Xhelatin" siç e cilësoi, për indiferencën e tij dhe mosdënimin e aktit.

"E gjithë Shqipëria në revoltë! - shkruan Berisha në Fb, duke shtuar pamje të një proteste në Fier, zhvilluar paralelisht me atë që po ndodhte në Tiranë.

"Të rinjtë e Fierit mbrëmë, në revoltën kundër ekzekutimit shtetëror pas shpine, në prag të derës, në Ditën e Rinisë, të Klodian Rashës, nga vrasës me uniformë të Edvin Kristaq Xhelatit, i cili vazhdon shoppingun në New York dhe nuk ka dërguar një fjalë ngushëllimi familjes dhe as nuk e ka dënuar ekzekutimin shtetëror të Klodianit," ka nënvizuar ish-Kryeministri.