Faqja Brryli Broadway që është një nga organizatorët e protestave të ditëve të fundi i është përgjigjur gjuhës kërcënuese të Edi Ramës, pas kërkesës për të shkarkuar Ardi Veliun.

Rama tha sot se askush nuk e prek dot Ardi Veliun dhe se këtë duhet ta harrojnë të gjithë.

Por Brryli i ka dhënë një përgjigje Edi Ramës.
‘Nëse nuk të pëlqen pozita mund të zbythesh vetë me shumë dashuri!

Trimerinë dhe provokimet lëri për tjetër vend, mos nxit urrejtje mes njerëzve!’, shkruhet në reagimin e Brrylit.

Postimi i plotë:

Edi Rama kujton se e drejta e një grupimi i madh apo i vogël qofte për te protestuar dhe kërkuar është ‘shantazh’. Kujton se ai është trimi dhe duhet ta harrojnë te drejtën për te kërkuar ne rast se ajo bie ne kundërshti me dëshirat e tij. Ardi Veliu duhej te largohej kohe me pare nga drejtimi i policisë. Ja qe tani na u ngrit ta kërkojmë ne rruge, me proteste. Thotë qe ta harrojnë ama ky nuk është një kërcenim? Dakort. Uroj qe mos u ndodh gjë askujt ama ai do mbaj përgjegjësi për ata qe nuk e harrojnë dot.

I dashur Edi Rama te ka rene për pjese te jesh sot kryeministër i këtij vendi. Vend me një sistem tërësisht te kalbur ne kaq e kaq vite, padrejtësi, rrumpalle dhe shtypje. Askund nuk u vendos drejtësia e premtuar dhe sot keni fytyre e i kërkoni llogari duke përmendur shantazhet qofte edhe 1 protestuesi?

Nëse nuk te pëlqen pozita mund te zbythesh vete me shume dashuri!

Trimërinë dhe provokimet leri për tjetër vend mos nxit urrejtje mes njerëzve!