Presidenti Ilir Meta e mbylli takimin e Këshillit Rinor të Ballkanit me temë “Të rinjtë në aktualitetin politik” duke cituar Migjenin e duke u bërë thirrje të rinjve që të marrë në dorë frenat e politikës.

“Qeshu rini, qeshu! Bota është e jotja! Poeti nga më të mëdhenjtë e kombit tonë, që i këndoi si askush tjetër edhe mjerimit, apoteozës së misrit dhe gjithë vuajtjeve që pa me sytë e tij në një kohë të rëndë dhe tragjike, përsëri nuk e humbi besimin të rinia. Është e rëndësishme që të rinjtë ta kenë këtë besim te fuqia e tyre, fuqia e tyre është e papërballueshme, vetëm duhet ta vënë në lëvizje”, tha Meta.

Më herët kreu i shtetit u ngriti një paralelizëm me 30 vite më parë kur ishte guximi i rinisë që e rrëzoi sistemin. Ai u shpreh se nëse ata si të rinj do të kishin pritur nga prindërit e tyre, ky ndryshim nuk do të kishte ndodhur