Përshkallëzohet protesta e qytetarëve në Shkodër dhe janë thyer xhamat e dyerve të PS në Shkodër.
Gazetari Senad Nikshiqi raportoi për “BalkanWeb” se protestuesit kanë qëlluar me gurë dhe sende të tjera te forta. Pavarësisht thirrjes për qetësi të organizatorëve një pjesë e protestuesve kanë goditur selinë e PS. Po kështu janë thyer vazo lulesh e janë djegur tabela reklamash.
Numri i protestuesve është i lartë dhe ka prani të forcave të policisë. Shkodra ishte qyteti i parë që zhvilloi protesta që ditën e vrasjes së 25-vjeçarit Klodian Rasha. Protesta janë zhvilluar dhe në disa qytete të tjera përveç Tiranës, si Lezhë, Pogradec, Korçë, Durrës, Fier.