Ka marrë të tjera përmasa tubimi për vrasjen e Klodian Rashës në Shkodër, ku protestuesit kanë bastisur selinë e PS-së duke hyrë në godinë e duke u vënë flakët orendive.

Më konkretisht ata kanë nxjerrë nga dritarja kompjutera, karrige, apo edhe flamuj e banderola të Partisë Socialiste, duke u vënë flakën.

Siç shihet nga këto foto një zjarr i madh është ndezur para godinës. Tashmë në vendngjarje kanë mbërritur edhe Forcat e Ndërhyrjes së Shpejtë që po shpërndajnë turmën me gaz lotsjellës.

Më herët protestuesit, kryesisht të mitur, sulmuan me gurë dhe sende të forta godinën duke thyer xhamat dhe derën e saj. Protestuesit shkatërruan gjithashtu tabelat e reklamave si dhe kazanët e mbeturinave në rrugë.

Tubimi i sotëm në Shkodër vjen në një ditë kur protesta për vrasjen e Klodian Rashës ka hyrë në ditën e katërt.

Përshkallëzohet tubimi në Shkodër, protestuesit thyejnë xhamat dhe sulmojnë me gurë selinë e PS-së

Është përshkallëzuar tubimi për vrasjen e Klodian Rashës në Shkodër, ku protestuesit kanë sulmuar me gurë dhe sende të forta selinë e Partisë Socialiste.

Siç shihet nga këto pamje ata kanë thyer derën kryesore dhe dritaret e godinës. Me gjithë thirrjet për qetësi nga organizatorët, protestuesit e revoltuar nuk i kanë ndalur sulmet.

Selia e Partisë Socialiste ishte “stacioni” i fundit i tubimit, që nisi nga lagjja “Luigj Gurakuqi” dhe vijoi para Prefekturës së qytetit.

Më herët protestuesit qëlluan me hurma makinën e policisë në qendër të qytetit, teksa mjeti është larguar për t’iu shmangur