Në vend që të fliste për shoqërimin pa asnjë arsye nga policia të katër aktivistëve të Mbrojtjes së Teatrit Kombëtar, i emëruari i Edi Ramës në krye të ministrisë së Brendshme, Bledi Çuçi e ka nisur me propagandë punën.
Zyra e shtypit e Ministrisë së Brendshme bën të ditur se Bledi Çuçi sot ka vizituar familjen e 25-vjeçarit Klodian Rasha të vrarë nga policia disa ditë më parë.
Pas vizitave të shpeshta të Edi Ramës dhe thuajse të përditshme të deputetëve dibranë të PS-së, sot ishte radha e Bledi Çuçit që i shoqëruar edhe nga disa drejtues policie, të vizitojnë familjen Rasha.
Vizita e tij ka zgjatur vetëm 10 minuta, aq sa për të bërë disa plane propagande dhe për ti transmetuar në media.
Siç duket edhe Çuçi nuk ka në plan të ndryshojë ndonjë gjë në ministrinë që i kanë dhënë me zor, ndërsa për të bërë ndonjë reformë në polici as nuk mendohet të ndodhë.
Policia do të vazhdojë dhunën e saj ndaj qytetarëve shqiptarë, siç edhe u vërtetua dje dhe dorëheqja e Sandër Lleshajt nuk ka shërbyer për ndonjë gjë, përveç se për një lëvizjen politike për të qetësuar gjakrat, e përdorur nga Edi Rama.