Anëtari i Kryesisë së LSI Durrës, njëkohësisht dhe mjek, higjenist, epidemiolog, Nestor Memsuri përmes një reagimi në rrjetin social Facebook thotë se qeveria u mohon mjekëve shpërblimin e fundvitit.

“Të lënë në harresë, mjekëve të familjes nuk u është dhënë shpërblim dhe u është refuzuar paga e 13-të, të cilën e kanë marrë çdo vit. Mjekët e familjes vijojnë të përballojnë një ngarkesë shumë të madhe gjatë gjithë pandemisë së Covid-19, duke punuar orar pa orar, me pacientë të prekur me Covid dhe ata me patologji të tjera”, shkruan në reagimin e tij Mensuri.

Reagimi i plotë:

Qeveria u mohon mjekëve shpërblimin e fundvitit.

Pavarësisht kërkesës së sindikatës së mjekëve qeveria refuzon pagën e trembëdhjetë.

Të lënë në harresë, mjekëve të familjes nuk u është dhënë shpërblim dhe u është refuzuar paga e 13-të, të cilën e kanë marrë çdo vit.

Mjekët e familjes vijojnë të përballojnë një ngarkesë shumë të madhe gjatë gjithë pandemisë së Covid-19, duke punuar orar pa orar, me pacientë të prekur me Covid dhe ata me patologji të tjera.

Ata janë heronjtë që po mbajnë një peshë të madhe në luftën kundër pandemisë.

Mjekëve në qendrat shëndetësore të cilët trajtojnë pacientë me Covid nuk u paguhen as orët e tyre shtesë në punë.

Çdo fundviti ata merrnin pagën e 13-të dhe një shpërblim në bazë të numrit të vizitave që kryenin, këtë vit ku ngarkesa ka qenë edhe më e madhe kjo pagesë u është refuzuar.

Në televizor, rrjete sociale dhe në propagandën qeveritare këta mjekë shpallen heronjtë e heshur, ndërkohë vlerësimi financiar për heroizmin e tyre është diskriminues.

STOP 🚫 propagandës dhe vlerësoni mjekët pasi çdokush prej tyre ka sakrifikuar dhe ka punuar maksimalisht dhe profesionalisht.

Kontributi i tyre është heroik në këtë betejë të madhe.

Nestor Memsuri
Mjek, Higjenist – Epidemiolog
Anëtar i Kryesisë së LSI Durrës

#DurresiShtepiaJuaj 🌹
#LSI