Në një intervistë për Tempora nga Sonila Meço në RTV Ora, ish-kryeministri Sali Berisha u shpreh se në parlament ka kërkuar që të shpallen vrasje shtetërore pa dashje ato të Gërdecit.
Berisha: Në parlament kam kërkuar që të shpallen vrasje shtetërore pa dashje. E kam kërkuar këtë sepse Gërdeci ishte aksident teknologjik. Ajo ishte teknike e tillë, por kishte edhe një përfshirje shtetërore. Atëherë meqë kishte ndërmarrje shtetërore për sigurinë, padyshim kishte një përgjegjësi shtetërore.
Unë bëra gjithçka dhe u rindërtua ajo zonë me miliona euro. Unë kërkova që të shpalleshin vrasje shtetërore pa dashje. Këta që përdorën Gërdecin vazhduan që ta përdorin këtë term në gjykatë.
