Në një intervistë për Tempora nga Sonila Meço në RTV Ora, ish-kryeministri Sali Berisha u shpreh se vrasja e Klodian Rashës ishte një vrasje shtetërore.

Berisha: Unë e quaj vrasje shtetërore pas shpine. Nuk është gjykata që flet për këtë, por qeveria. Vrasjet shtetërore janë një kategori që ndodh në vendet ku është vendimi me vdekje. Të ekzekutohet pas shpine tjetri, nuk mund të jetë tjetër veçse vrasje shtetërore.

E kanë shndërruar shtëpinë e të ndjerit, sikur e kanë dekoruar, kur për 1 javë e kanë shpërfytyruar figurën e tij dhe me kodin e mafies e shpallën aksident. Në çdo shtet të lirë kjo cilësohet si vrasje shtetërore.