Shqipëria ka numrin më të lartë të personave që kërkojnë azil në Bashkimin Europian. Të dhënat e Zyrës Europiane të Mbështetjes së Azilit për vitin 2019 tregojnë se nga Shqipëria ikin më shumë qytetarë se dhe në vendet që janë në luftë, si Siria, Venezuela dhe Afganistani.

Sipas të dhënave të Zyrës Europiane të Mbështetjes së Azilit, edhe si numër aplikimesh në vlerë absolute, Shqipëria renditet në 10 vendet kryesore për numrin e azilkërkuesve.

Në raport me popullsinë, me një diferencë të theksuar, në vend të dytë renditen sirianët, të cilët krahasuar me popullsinë regjistruan 39 aplikime për çdo 10 mijë banorë, apo rreth 20 aplikime më pak se shqiptarët.

Në vend të tretë renditen afganët, ku për çdo 10 mijë banorë numri i aplikimeve ishte 17, ndjekur nga Venezuela me 14 aplikime, Iraku dhe Kolumbia me përkatësisht 9 dhe 7 aplikime për çdo 10 mijë banorë