Nën delirin e propagandës, ku tha se më në fund kishte fjetur pak orë pas mesnatës, Edi Rama e nisi vitin e ri, me premtime, por pa realizime.
Gjatë konferencës së parë për mediat në vitin 2021, Rama tha se në janar në Shqipëri do të vijnë 10750 vaksina.
E duke vazhduar me propagandë, ashtu siç di ai, Rama tha se nuk do të veprojë si BE-ja, që la pas dore Ballkanin, por premtoi se do ti japë vaksina edhe Kosovës.
Kur Edi Rama e ka shportën bosh për vete, premton se do të ndihmojë dhe të tjerët, vetëm e vetëm që ai të duket sikur është një dorëlëshuar dhe se Kosova nuk arrin dot vetë të blejë vaksina.
Ndërsa që në fillim të konferencës tha se Shqipëria kishte nënshkruar një marrëveshje me Pfizer për 500 mijë vaksina, por se kur do të vijnë në vendin tonë, Rama nuk diti ta thotë.