Kryedemokrati Lulzim Basha i ftuar në emisionin “Opinion” është përplasur me analistin Baton Haxhiu, duke e quajtur atë një nga këshilltarët strategjikë kryesorë të kryeministrit Rama.

Madje ai ka thënë se edhe sondazhi i nxjerrë nga Haxhiu, i cili nxirrte fitues Edi Ramën në zgjedhjet e 25 prillit, është i manipuluar.

“Ka disa lloje makinacionesh që përdor Rama për të manipuluiar zgjedhjet.

E para është përpjekja për t’i hequr opozitës komisionerët. E dyta thyerja e paktit të 5 qershorit që të fragmentojë koalicionin tonë. E treta është sponsorizimi i sondazheve fallco që t’u mbushë mendjen shqiptarëve që qeveria Rama do të qëndrojë në pushtet.

Nuk ka asnjë mundësi që kësaj shumicë dërrmuese që kërkon ndryshim, t’i mbyllet goja. Në 5 qershor u arrit identifikimi elektronik, që është për qytetarët që të mos votohet në emër të njëri-tjetrit. Paniku i Edi Rmaës që menjëherë pas 5 qershorit, dhe vendosmëria për ta peishur 5 qershorin përkundër deklaratave të partnerëve ndërkombëtarë, tregon se Edi Rama është njeriu i parë i vetëdijshëm se 25 prilli është dita e largimit të tij”, tha Basha.

Pjesë nga debati:

Haxhiu: Një nga sondazhet që thatë janë të manipuluar është edhe i imi. Në historinë time të sondazheve s’kam gabuar asnjë.

Basha: Edhe këtu nuk je i skatë

Haxhiu: Ma thuaj një që kam gabuar

Basha: Disa

Haxhiu: Ma kujto.

Basha: Është një sekret publik që ti je një nga këshilltarët strategjik kryesorë të kryeministrit. Është e qartë se shqiptarët presin vetëm një gjë, ndryshimin. Të ftoj që të votosh për mua