Kryetatri i Partisë Demokratike, Lulzim Basha, duke cituar sondazhin e publikuar në Syri TV ka postuar një mesazh në rrjetet sociale.
“Faleminderit për mbështetjen. Ndryshimi po vjen. Në 25 prill do fitojë Shqipëria!”, shkruan kreu demokrat në postimin e tij.
LEXO EDHE:
‘PS një parti e vetmuar’/ Duma: Frymë pozitive mes forcave opozitare! Po krijohet një sinergji
Sondazhi paraelektoral i zhvilluar nga kompania angleze Flame Tree Advisors, me katër mijë persona të intervistuar ka nxjerrë Lulzim Bashën fitues të zgjedhjeve të 25 prillit.
Drejtori i Flame Tree Advisors Adlej Pici, u shpreh në Syri TV, ku u publikuan rezultatet se ky është nga sondazhet më kapilar, pasi jo vetëm personat janë intervistuar ballë për ballë, por kampionet janë përzgjedhur në çdo qark të Shqipërisë.
Gjithsesi ai u shpreh, se në çdo rast një sondazh e ka një gabim prej plus minus katër për qind. Në 52 për qind të tyre të intervistuarit mendojnë se do jetë Basha Kryeministër, ndërsa 38% besojnë se Rama do jetë Kryeministër pas zgjedhjeve të 25 prillit. 10 për qind të tjerë kanë refuzuar të përgjigjen.
