Aktori i njohur Bujar Asqeriu është shfaqur në mbështetje të drejtuesit politik të PD-së në Vlorë, Bujar Leskaj për zgjedhjet e 25 prillit. Asqëriu u shpreh se është fat që PD caktoi për Vlorën, Bujar Leskajn të cilin e konsideroi një aset të çmuar të qytetit.
“Është fat dhe vlerësim shumë i madh që PD caktoi në Vlorë, një nga asetet më të çmuar që ka qyteti jonë, Bujar Leskaj. Ne që e njohim nga afër, kudo që ka punuar ka dhënë shembull të jashtëzakonshëm qoftë në Ministrinë e Kulturës në Kontrollin e Lartë të Shtetit dhe jam i bindur që duke mbështetur Bujarin të gjithë them se drejt fitores do të shkojmë me shumë qetësi dhe me shumë respekt për të gjithë qytetarët e Vlorës. Goditja e parë që i bëhet qytetit, është kujtesa, i heq kujtesën nga truri njeriut pastaj e godet në inisiativë, e godet në kurajo, e tremb njeriun dhe njeriu jeton me frikë.
Sistemin që ndërtoi Shqipëria dhe populli shqiptar nuk mund ta mposhtë njeri dhe nuk ka bir nëne të vijë dhe të bëjë rolin e tutorit për shqiptarët. Nuk ka bir nëne! Cilësitë më të mira që kanë intelektualët e Vlorës, në tërë historinë e vet ka qenë inteligjenca, historia, karakteri, mbi të cilat është zhvilluar ky qytet. Ky qytet është qytet me zemër, deti i ka dhënë lirinë, ka një problem shumë të rëndësishëm të cilin duhet ta vlerësojmë. Votuesi shqiptar është i dekurajuar nga politika. Këtë duhet ta marrim si një fakt të rëndësishëm, nuk ka më simpati për politikën shqiptare.
Kështu që, ndezja e motorëve për të bindur qytetarët, që PD ka bërë ka autokritë të shëndeteshme dhe ka riparuar gjëra të cilat e kanë penguar ose nuk i ka bërë mirë, duhet folur me shumë sinqeritet me votuesit. Votuesi nuk duhet të gënjehet më, i duhet thënë e vërteta. Vlerësova programin ekonomik të PD, mos mbeten në letër por të realizohen. E rëndësishme do të jetë që edhe nesër të merret mendimi i burrave e grave të Vlorës. Kam besim të plotë që duke mbështetur Bujarin e tërë aksionin e tij politik, që më në fund të zbatohet programi i politik i PD, që Shqipëria mos ndryshojë, të bëhet si gjithë Europa.” tha Asqeriu
