Kryetari i Partisë Demokratike Lulzim Basha ka takuar kryetarin e parlamentit të Turqisë Mustafa Sentop.

Basha shprehet se në takim ka shprehur mirënjohje ndaj Turqisë dhe presidentit Erdogan për ndihmën e madhe që i ka dhënë vendit tonë për rindërtimin e shtëpive të shkatërruara nga tërmeti dhe përballimin e pandemisë COVID-19.

Po ashtu, Basha vlerëson se në këtë takim ka shprehur vullnetin për thellimin e bashkëpunimit në të ardhmen midis vendeve, duke zgjeruar marrëdhëniet ekonomike që do të sjellin zhvillim dhe punësim për qytetarët shqiptarë.

foto galeri
Postimi i kryetarit të PD-së Lulzim Basha:

Pata kënaqësinë të mirëpres sot Kryetarin e Parlamentit të Turqisë Mustafa Sentop.

Shpreha mirënjohjen ndaj Turqisë dhe Presidentit Erdogan për ndihmën e madhe që i ka dhënë vendit tonë për rindërtimin e shtëpive të shkatërruara nga tërmeti dhe përballimin e pandemisë COVID-19.

Turqia është një mike e çmuar e Shqipërisë dhe e popullit shqiptar dhe ka qenë pranë nesh në momente të rëndësishme për vendin dhe kombin tonë, si anëtarësimi në NATO, ndërtimi i Rrugës së Kombit, pavarësia e Kosovës dhe fushata për njohjen e saj.

Shpreha vullnetin tim për thellimin e bashkëpunimit në të ardhmen midis vendeve tona duke zgjeruar marrëdhëniet ekonomike që do të sjellin zhvillim dhe punësim për qytetarët shqiptarë.