“Një tmerr të kryeministrit Rama për shkak të rritjes së LSI-së”. Kështu e komenton gjobën që Policia i vendosi sekretarit të përgjithshëm të LSI-së, Endrit Braimllari për shkak të mos zbatimit të masave anti-Covid.
Në një reagim të Braimllarit, publikuar nga zyra e shtypit të LSI-së shenjëstrohet drejtori i policisë Korçës, Ferdinand Mara dhe deputeti i kësaj zone, Niko Peleshi.
“Kryeministri Edi Rama është i tmerruar nga rritja e pandalshme e LSI në Qarkun e Korçës. Gjoba tregon tmerrin që Edi Rama ka ndaj LSI. Edi Rama, Niko Peleshi nuk mund të intimidojnë simpatizantët e LSI me ushtarin e tyre në drejtorinë e qarkut të Korçës, Ferdinand Mara. Ferdinand Mara është ushtar i Edi Ramës, Niko Peleshit dhe Rragamit të bëjë kujdes të respektojë ligjin dhe të merret me trafikantët dhe trafikun e drogës dhe jo të gjobisë qytetarët e ndershëm. Më 25 prill të rinjtë dhe të rejat e Korçës do të çmontojnë këtë treshe që ka marrë peng Korçën”, thuhet në reagimin e Braimllarit