Një ngjarje e rëndë ka ndodhur në Kongo, ku është vrarë ambasadori italian Luca Attanasio dhe një polic që ndodhej në autokolonën e diplomatit.
Mediat italiane raportojnë bëhet fjalë për një sulm me armë zjarri me qëllim pengmarrjen e autokolonës të Programit Botëror të Ushqimit të OKBS-së.
Ndërkaq një hetim ka nisur lidhur me rrethanat e ngjarjes dhe motivet.
“Ambasadori u qëllua gjatë sulmit ndaj autokolonës së Kombeve të Bashkuara me të cilën ai po udhëtonte, dhe vdiq si pasojë e plagëve të marra”, tha për AFP një diplomat i rangut të lartë.
Ngjarja ndodhi në qytetin Kanyamahoro, ku kryediplomati po udhëtonte në autokolonën me ndihma ushqimore të Organizatës së Kombeve të Bashkuara.
Rojet e Parkut Kombëtar Virunga zbulojnë se sulmi ndodhi rreth orës 10:00 (me orën lokale) dhe ishte një tentativë pengmarrjeje.
Ministri i Jashtëm Luigi Di Maio pasi u informua nga kolegët e BE lidhur me ngjarjen tragjike, shprehu të gjithë dhimbjen e tij për humbjen e ambasadorit dhe policit.
“Dy shërbëtorë të shtetit që ndanë me dhunë nga ne në përmbushjen e tyre detyrat. Rrethanat e këtij sulmi brutal nuk dihen ende dhe asnjë përpjekje nuk do të kursehet për të hedhur dritë mbi atë që ndodhi. Sot shteti vajton humbjen e dy fëmijëve të tij shembullore përkrah familjarëve, miqve dhe të afërmeve të tyre, kolegëve në Farnesina dhe karabinerëve”, shkruan ai