Kryeministri Edi Rama foli sërish për përgjimet e Ndrangheta-s, ku të përfshirë ishin edhe eksponentë nga Shqipëria.

Në konferencën e përjavshme “Ekonomia në fokus”, kryeministri Rama u pyet se pse “Niku”, që dilte në përgjimet e Ndragheta-s, ka marrë tre tendera të tjerë, pa pritur që SPAK të mbyllë hetimet.

Por në përgjigjen e tij, Rama tha se nuk është kryeministri që përgojon dynjanë, por është SPAK ai që bën hetime dhe që do të japë edhe përgjigjet.

“Është gjë shumë e mirë që SPAK është përfshirë në këtë çështje për t’i dhënë një përgjigje atyre që, sipas meje, çfarë janë thënë, janë dokrra. Nëse ka gjëra që s’janë thënë, me siguri SPAK do t’i gjejë. Por deri më tani dokrra, dokrra, dokrra, shumë e thjeshtë, asgjë me sens”.

Edhe sot si çdo herë tjetër kur akuzohen eksponentë të Rilindjes kreu i qeverisë ka dhënë udhëzimet e tij për strukturat hetuese. Gjatë prononcimit të tij ai i kujtoi SPAK-ut se përgjimet a Antimafias Italiane janë “dokrra”. Prandaj është shumë e qartë se çfarë drejtimi do të marrin hetimet