TIRANË
Presidenti i Republikës Ilir Meta ka kujtuar sot me një mesazh në “Facebook” 30-vjetorin e rivendosjes së marrëdhënieve Shqipëri-SHBA. Ai e cilëson një datë historike, që iu forcon shqiptarëve edhe më shumë besimin në parimin themelor të çdo shoqërie demokratike, që janë zgjedhjet e lira dhe të ndershme.
“Shqiptarët kujtojnë sot me gëzim dhe krenari rivendosjen e marrëdhënieve diplomatike midis Shqipërisë dhe SHBA.
Kjo datë historike, për ne shënon edhe një moment për të nderuar ata mijëra shqiptarë, të cilët sakrifikuan jetën e tyre duke besuar në vlerat e lirisë dhe demokracisë, të evokuara nga ky vend i madh.
Kjo ngjarje e shënuar i frymëzon dhe u forcon shqiptarëve edhe më shumë besimin në parimin themelor të çdo shoqërie demokratike, që janë zgjedhjet e lira dhe të ndershme. 🇦🇱🤝🇺🇸”, deklaron Presidenti Meta
