Drejtuesi Politik i PD-së në Lezhë dhe kandidati për deputet, Mark Marku ka reaguar pas sulmeve të kryeministrit Edi Rama, i fundit ky që sëbashku me Agron Gjekmarkajn i quajti “dy personazhe qesharake të klubeve mediatike që do të vijnë për weekend”.

Marku thotë se Rama ka marrë rrugët e Shqipërisë dhe po shan kandidatët e opozitës, ndërsa kujton se me ‘timonin dhe tepsinë’ që mori para katër viteve e katandisi Shqipërinë në këtë që është sot.

Kandidati demokrat kërkon që Ramës mos t’i kthehet asnjë përgjigje, ndërsa kërkon durim sepse në 25 prill “ky dështak, më i madhi dështak i kryeministrave shqiptarë të shporret prej jetës sonë, prej ekraneve”.

“Edi Rama ka marrë përsipër të përgojojë gjithë ditën deputetët e opozitës, mes të cilëve edhe mua.

Në fushatën e para katër viteve kishte si alternativë tepsinë e timonin dhe, e pamë se ku e katandisi Shqipërinë.

Këtë radhë ka marrë rrugët e Shqipërisë dhe po shan, shfryn bulçitë e tij të çakërdisur nga çmenduria dhe frika e humbjes së pushtetit mbarë e mbrapsht, këdo që i shkon ndërmend.

Mos ju përgjigjni!

Duroni deri me 25 Prill, ditën kur ky dështak, më i madhi dështak i kryeministrave shqiptarë të shporret prej jetës sonë, prej ekranëve.

Nuk kemi kohë për të humbur me të. ☠️

Paraqesim alternativën tonë për shërimin e plagëve, për ndryshimin e Shqipërisë.

Asnjë shqetësim për ato që thotë një kryeministër, i cili i bën të ndjehen me turp edhe pijanecët me gojështhurur të mejhanëve të skutave periferike”, tha Marku