Lideri i PD-së, Lulzim Basha ka postuar sot disa foto nga vizita e tij në Gjirokastër. Përmes një mesazhi në ‘Facebook’ Basha thekson se këto zgjedhje janë për ndryshimin dhe për të bërë Shqipërinë sa më shpejt pjesë të Europës.

Sipas Bashës, se zgjedhjet e 25 prillit nuk janë për Ramën apo për të.

MESAZHI I BASHËS
Mirënjohje për pritjen e mrekullueshme qytetarëve të Gjirokastrës. Kudo që shkova, këdo që takova, preka entuziazmin e qytetarëve që kërkojnë ndryshimin.
Është e qartë për këdo se zgjedhjet e 25 prillit nuk janë për Ramën apo për mua.
Këto zgjedhje janë për qytetarët.
Këto zgjedhje janë për ndryshimin, për ta bërë Shqipërinë sa më shpejt pjesë të Europës. Dhe këtë nuk mund ta bëjë dikush që ka mbajtur peng Shqipërinë për 8 vite dhe që pengoi integrimin e vendit në BE.
Të gjithë shqiptarët e dinë se nëse nuk i afrohemi BE-së nuk do të ketë ndryshim. Afrimi i Shqipërisë në BE do të sjellë investime të huaja, do të rikthejë të rinjtë, do të ndryshojë ekonominë tonë!
Ne do të sjellim ndryshimin që shqiptarët po e presin me padurim. Në 25 prill do të fitojë Shqipëria!
#SHQIPERIAFITON