Aktori i njohur i Hollivudit, Leonardo Di Caprio një nga zërat më me peshë ndërkombëtare që bën thirrje për mbrojtjen e lumit Vjosa nga hidrocentrale, ka shpërndarë sot një video duke i bërë thirrje liderëve politikë në vend si Presidentit të Republikës, Ilir Meta kryeministrit Edi Rama, kryetarit të PD-së, Lulzim Basha, kryetares së LSI-së, Monika Kryemadhit që ta shpërndajnë.

leonardo
Reagimi i tij vjen pasi Komisioni Evropian i bëri thirrje qeverisë shqiptare që të shpallë këtë zonë si Park kombëtar.

Postimi:

Javën e kaluar, në Ditën Botërore të Ujit, aktivistët në të gjithë Evropën i kërkuan qeverisë shqiptare dhe Komisionit të Bashkimit Evropian të mbështesin Parkun Kombëtar të Vjosës tani.

Lumi Vjosa është lumi më i madh i egër në Evropë. Janë 300 kilometra që rrjedhin pandërprerë nga burimi i saj në malet në Greqi në detin Adriatik. Lumi është jetësor e i rëndësishëm për më shumë se 1,100 lloje të peshqve të ujërave të ëmbla dhe ka domethënie kulturore për njerëzit në Shqipëri. Dje, Parlamenti Evropian nxiti autoritetet shqiptare “të krijojnë sa më shpejt të jetë e mundur Parkun Kombëtar Vjosa, duke shtrirë tërë gjatësinë e lumit.”