“E kam projekt zemre se jam gjysmë kosovar”, Basha për traun në “Rrugën e Kombit”: Do hiqet, do jetë një nga vendimet e para pas 25 prillit, do ulet çmimi i naftës

E mërkurë, 07 Prill 2021 14:19

 

Kandidati për kryeministër i Partisë Demokratike, Lulzim Basha, në një takim me fermerët e zonës së Pajovës në Peqin, premtoi, se pas 25 prillit do të ulet çmimi i kostos së naftës si dhe trau në “Rrugën e Kombit”.

 

Ai tha se këto dy vendime, do të jenë ndër të parat të qeverisë së pas 25 prillit dhe do të mundësojnë, rritjen e eksporteve dhe të ardhurave të fermerëve.

 

“Të gjithë fermerët thonë në momentin që u vu trau dhe në momentin që u vu, taksa Rama mbi naftën, nuk vinin kamionët nga Kosova sepse s’i dilte kosto. Naftën e ka rritur 240 lekë për litër, është taksë që e ka vënë ai, thotë është taksa e qarkullimit. Në fakt taksa e qarkullimit ka qenë edhe më përpara, është vendos nga qeveria jonë, 73 lekë të vjetra dhe ka qenë brenda çmimit të naftës. Çështje e vërteta më parë ka pasur një pullë, nëse e mbani mend dhe e vendosnim tek xhami i makinës. Kështu u mendua, u shtua çmimi i naftës dhe nuk paguhej më vit për vit ajo pulla sipas automjeteve. Erdhi ky, të gjithë e mbajnë mend që premtoi se do të ulëte çmimin e naftës, ç’a bëri, 120 lekë në janar 2014 dhe 120 lekë në janar të 2015, 240 lekë për litër paguani taksën Rama. Transporti ka lidhje me gjithçka, që nga kafshata e bukës, e deri tek prerja e flokëve çmimi i naftës është faktor. Prandaj një nga vendimet e para do të jetë, heqja e taksës Rama mbi karburantin 240 lekëshin, që të paktën karburanti ynë të jetë në të njëjtën nivele me Kosovën dhe Maqedoninë. Një nga vendimet e para do të jetë heqja e traut. Do ta kisha bërë këtë në çdo rrethanë, sepse faktikisht është një pengesë që vendoset midis shqiptarëve, midis ekonomisë së Kosovës dhe Shqipërisë, ne duam ta ndërlidhim ekonominë e dy vendeve, ky i ka vënë pengesë, dyfish më shumë, sepse është projekti që më është besuar mua, është i zemrës time, e dini që jam gjysmë kosovar, sepse nëna ime, edhe pse ka lind në Tiranë, prindërit i ka pasur nga Kosova. Nuk ka shqiptar që nuk i djeg në shpirt ai tra, edhe ekonomikisht, edhe në xhep. Ai tra do të hiqet dhe do të jetë një nga vendimet e para të qeverisë së ardhshme. Heqja e traut, ulja e çmimit të karburantit do të jetë një lehtësim tjetër që të eksportoni prodhimet tuaja në tregun e Kosovës”, tha Basha

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Braimllari nga Kolonja: Niko Peleshi dhe Rilindja i largoi socialistët e ndershëm.

Politikë

Braimllari nga Kolonja: Niko Peleshi dhe Rilindja i largoi socialistët e ndershëm.

  Socialiastët kane nje siguri për veten e tyre dhe të ardhmen e fëmijëve, Lëvizjen Socialiste për Integrim Sot Niko Peleshi është në ankth dhe në mankth. Sepse ndjen që i rrezikohet...

Mbi 16 mijë persona do të votojnë në kontejnerë, Billa: Nuk i përmbushin kriteret

Politikë

Mbi 16 mijë persona do të votojnë në kontejnerë, Billa: Nuk i përmbushin kriteret

  Kreu i KZAZ nr.29 Ramiz Billa, i ftuar në “Radari Informativ”, foli për procesin zgjedhor dhe qendrat e votimit. Ai bëri me dije se në terren janë bërë verifikime për qendrat...

Të rinjtë e Durrësit: Ne besojmë te LSI dhe Elona Guri

Politikë

Të rinjtë e Durrësit: Ne besojmë te LSI dhe Elona Guri

  Drejtuesja e LSI në qarkun e Durrësit, Elona Guri, vijon takimet elektorale në qytetin bregdetar. Takimin e radhës, Guri e ka zhvilluar me disa të rinj të këtij qyteti. Guri shfaqet...